(កំពង់ស្ពឺ)៖ រដ្ឋបាលខេត្តកំពង់ស្ពឺនៅរសៀលថ្ងៃទី១៤ តុលានេះ បានធ្វើការប្រកាសអាសន្នពីកម្រិតកម្ពស់ទឹក នៃទំនប់ពាមឃ្លៃ និងទ្វារទឹករលាំងជ្រៃ ដែលហក់ឡើងដល់កម្រិតប្រកាសអាសន្នហើយ។
ជាមួយគ្នានេះ រដ្ឋបាលខេត្តកំពង់ស្ពឺ ក៏បានស្នើដល់បងប្អូនប្រជាពលរដ្ឋរស់នៅភូមិរំលោង កាហែង កាប់ទូក ថ្មី ក្រវៀន ក្នុងសង្កាត់កណ្តាលដុំ ភូមិព្រៃស្លឹក ក្នុងសង្កាត់ច្បារមន ក្រុងច្បារមន និងភូមិព្រៃបេង ទឹកលិច គោករងាង ក្នុងឃុំស្គុះ ស្រុកសំរោងទង មេត្តាប្រុងប្រយ័ត្នឲ្យបានខ្ពស់ ហើយត្រូវរៀបចំរើទុកដាក់សម្ភារសំខាន់ៗទៅទីទួលសុវត្ថិភាពឲ្យបានត្រឹមត្រូវ។
ជាពិសេសនោះ មនុស្សចាស់ជរា កុមារតូចៗ ត្រូវប្រញ៉ាប់រួសរាន់ទៅកាន់ទីតាំងមានសុវត្ថិភាពឲ្យបានមុនគេ ជាងនេះទៅទៀត សូមបងប្អូនមេត្តាប្រុងប្រយ័ត្នចំពោះខ្សែភ្លើងអគ្គិសនីដែលអាចបង្ករគ្រោះថ្នាក់ជាយថាហេតុ៕
