(ភ្នំពេញ)៖ គណៈកម្មាធិការជាតិគ្រប់គ្រងគ្រោះមហន្តរាយបានឲ្យដឹងថា គិតត្រឹមថ្ងៃទី១៤ ខែតុលា ឆ្នាំ២០២០នេះ មានពលរដ្ឋប្រមាណ ៣៩៧០២គ្រួសារ ដែលស្មើនឹងប្រមាណ ១៥៨៨០៨នាក់ បានរងផលប៉ះពាល់ដោយសារជំនន់ទឹកភ្លៀង។
ក្នុងនោះមកទល់ពេលនេះ មានពលរដ្ឋប្រមាណ ២៨៥៣គ្រួសារ ឬស្មើប្រមាណ ១១៤១២នាក់ ត្រូវបានជម្លៀស។
តាមរបាយការណ៍ដដែលក៏បានឲ្យដឹងដែរថា ក្នុងកំឡុងទឹកជំនន់ ក៏មានមនុស្សចំនួន ១២នាក់បានស្លាប់ដោយលង់ទឹក។
គួរបញ្ជាក់ដែរថា គិតត្រឹមថ្ងៃទី១៤ ខែតុលា នេះ មានរាជធានីខេត្តសរុបចំនួន ១៩ហើយបានរងគ្រោះដោយជំនន់ទឹកភ្លៀង ក្នុងនោះរួមមាន៖ ខេត្តពោធិ៍សាត់, ប៉ៃលិន, បន្ទាយមានជ័យ, ភ្នំពេញ, បាត់ដំបង, ស្វាយរៀង, ឧត្តរមានជ័យ, សៀមរាប, តាកែវ, កំពង់ស្ពឺ, មណ្ឌលគិរី, ព្រះសីហនុ, កោះកុង, ព្រះវិហារ, ស្ទឹងត្រែង, កំពង់ចាម, កណ្តាល និងកំពង់ធំ៕
