កាលពីវេលាម៉ោងប្រមាណ១១ និង៣០នាទីយប់ ថ្ងៃទី១៥ ខែតុលា ឆ្នាំ២០២០ នៅចំណុចផ្លូវ ១៧៣ កែងផ្លូវ ៣២៨ សង្កាត់ ទួលស្វាយព្រៃ ១ ខណ្ឌ បឹងកេងកង មានករណីរថយន្តមួយគ្រឿងបានបើកបុកម៉ូតូ មួយសន្ទុះក្រោយមក រថយន្តនោះក៏ថយក្រោយកិនបណ្តាលឲ្យជនរងគ្រោះត្រូវស្លាប់ពេលដឹកដល់មន្ទីរពេទ្យ។ យ៉ាងណាក៏ដោយ នៅថ្ងៃនេះ ជនបង្កត្រូវបានសមត្ថកិច្ចស្រាវជ្រាវ និងចាប់ខ្លួនបានហើយ។
តាមលោកឧត្ដមសេនីយ៍ ទោ ចេវ ហាក់ ស្នងការរង នគរបាល រាជធានីភ្នំពេញ ទទួលបន្ទុកចរាចរណ៍ បានឲ្យដឹងថា ករណីគ្រោះថ្នាក់ចរាចរណ៍បុកហេីយថយកិន បណ្ដាលឲ្យមនុស្សស្លាប់ ជនបង្ករមានឈ្មោះ យ៉ាន់ ណា លីណា ភេទ ប្រុស អាយុ ៣០ ឆ្នាំ មុខរបរពេទ្យធ្មេញ ស្នាក់នៅផ្ទះលេខ៥ អឹម ក្រុម ទី ៤ ភូមិ ព្រៃព្រីង ខាងត្បូង ទី ១ សង្កាត់ ចោម ចៅ ២ ខណ្ឌពោធិ៍សែនជ័យ ។ រថយន្ដជនបង្ករ ម៉ាក Lexus NX 200 T ស្លាក លេខ ភ្នំពេញ 2BH-8494 ភ្នំពេញ ។
សមត្ថកិច្ចនឹងបញ្ជូនសំណុំរឿងករណីនេះ ទៅ អយ្យការ អម សាលា ដំបូង រាជធានី ភ្នំពេញ ដេីម្បីចាត់ការបន្តតាមច្បាប់។
តាមរយះ វីដេអូ ដែល បានចែកចាយ លេី បណ្ដាញ សង្គម ហ្វេសប៊ុក ឃេីញថា ជនបង្ករពិតជាមានចរិកឃោរឃៅ ព្រៃផ្សៃណាស់ បន្ទាប់ពីបុកជនរងគ្រោះ ពីក្រោយមិនស្លាប់ហេីយ ជនបង្ករបានបេីកថយក្រោយ កិនជនរងគ្រោះ បន្ថែម រហូតដល់ស្លាប់ពេលបញ្ជូនទៅដល់មន្ទីរពេទ្យ៕