ក្រសួងសុខាភិបាលកម្ពុជាបានប្រកាសនៅព្រឹកថ្ងៃសៅរ៍នេះ មានអ្នកជំងឺកូវីដ១៩ចំនួន២នាក់បានជាសះស្បើយ ដោយធ្វើឲ្យអ្នកជំងឺកូវីដ១៩នៅកម្ពុជាដែលកំពុងទទួលការព្យាបាលនៅសល់ត្រឹមចំនួន ៣នាក់។
អ្នកជាសះស្បើយទាំង២នាក់នេះ ត្រូវបានបញ្ជាក់ថា ម្នាក់ជាបុរសជនជាតិបារាំងអាយុ ២៧ឆ្នាំ ស្នាក់នៅភូមិវត្តដំណាក់ សង្កាត់សាលាកំរើក ក្រុងសៀមរាប និងម្នាក់ទៀត ជាស្រ្តីជនជាតិឥណ្ឌា អាយុ ៣៤ឆ្នាំ ស្នាក់នៅសណ្ឋាគារមួយក្នុងរាជធានីភ្នំពេញ៕
