ខេត្តព្រះសីហនុ ៖ សមត្ថកិច្ចស្រុកកំពង់សិលាបានឲ្យដឹងថា គេបានឃាត់ខ្លួនជនជាតិចិន២នាក់ និងវៀត ណាមម្មាក់កាលពីថ្ងៃទី២៧តុលា បន្ទាប់ពីពួកគេបានបើករថយន្តគេចពីប៉ុស្តិ៍ត្រួតពិនិត្យនៅលើផ្លូវជាតិលេខ៤ ក្នុងស្រុកកំពង់សិលា ខេត្ដព្រះសីហនុ ។
លោក ចាន់ ពន្លក អភិបាលរងស្រុកកំពង់សីលាបានអោយដឹងថា សមត្ថកិច្ចបានឃាត់រថយន្តម៉ាកស្តារិច ពណ៌ទឹកប្រាក់ បេីកបរដោយជនជាតិចិន មានទិសដៅពីភ្នំពេញ ទៅខេត្តព្រះសីហនុ មានអ្នករួមដំណេីរចំនួន០៣នាក់ (ទាំងអ្នកបេីកបរ) មានឈ្មោះដូចខាងក្រោម :
ទី១-ឈ្មោះ Feng Yu ភេទប្រុស អាយុ៣២ឆ្នាំ ជនជាតិចិន អ្នកបេីកបរ
ទី២-ឈ្មោះ Gao Ying Kai ភេទប្រុស អាយុ២៩ឆ្នាំ ជនជាតិចិន អ្នករួមដំណេីរ
ទី៣-ឈ្មោះ Vu Thi Minh Hien ភេទស្រី អាយុ៣០ឆ្នាំ ជនជាតិវៀតណាម អ្នករួមដំណេីរ។
លោកថា នៅក្នុងប្រតិបត្តិការខាងលើ សមត្ថកិច្ចបានត្រួតពិនិត្យឃេីញមាន៖ ម្សៅសារធាតុញៀន ម៉ាទឹកកក ចំនួន០៧កញ្ចប់ (ធំ០២កញ្ចប់ តូច០៥កញ្ចប់ ) កញ្ឆាក្រៀម០១កញ្ចប់តូច និងថ្នាំពណ៌ខៀវ០៦គ្រាប់, ខ្នោះដៃចំនួន០១គូរ, ដំបងឆក់ចំនួន០១ដេីម, ទូរស័ព្ទដៃ ចំនួន០៤គ្រឿង, រថយន្តម៉ាក ស្តារិច ពណ៌ទឹកប្រាក់ ស្លាកលេខភ្នំពេញ ២AZ-៨៤៨១ ចំនួន០១គ្រឿង និងវត្ថុតាងមួយចំនួនទៀត ៕ ដោយ : នាគសមុទ្រ