គិតត្រឹមព្រឹកថ្ងៃទី១០ ខែវិច្ឆិកា ឆ្នាំ២០២០នេះ អ្នកមានវីរុសកូវីដ១៩ នៅកម្ពុជាបានកើនសរុបចំនួន ៣០០នាក់ហើយ ហើយអ្នកដែលកំពុងសម្រាកព្យាបាលនៅមន្ទីរពេទ្យមានចំនួន ១២នាក់។
តាមការបញ្ជាក់របស់ក្រសួងសុខាភិបាល នៅថ្ងៃនេះ សម្រាប់អ្នកដំណើរមកពីក្រៅប្រទេស គឺមិនមានអ្នកវិជ្ជមានកូវីដ១៩នោះទេ តែសម្រាប់អ្នកប៉ះពាល់ក្នុងព្រឹត្តិការណ៍ ៣វិច្ឆិកា ដែលត្រូវធ្វើតេស្តចំនួន ១១៦៦នាក់ នៅល្ងាចមិញគេបានរកឃើញវិជ្ជមានចំនួន៣នាក់ រួមមាន ឯកឧត្តម សួស យ៉ារ៉ា សមាជិករដ្ឋសភា, លោក ស ចិត្រា អគ្គលេខាធិការរងក្រសួងកសិកម្ម និង ឯកអគ្គរដ្ឋទូតហុងគ្រីប្រចាំកម្ពុជា និងវៀតណាម ដែលបច្ចុប្បន្នពួកគេកំពុងសម្រាកព្យាបាលនៅក្នុងមន្ទីរពេទ្យមិត្តភាពខ្មែរ-សូវៀត៕
