(កណ្តាល)៖ ស្រ្តីវ័យ២៦ឆ្នាំម្នាក់ ត្រូវបានកម្លាំងកងរាជអាវុធហត្ថខេត្តកណ្តាលចុះទៅធ្វើការឃាត់ខ្លួនកាលពីវេលាម៉ោងប្រមាណ ៧ព្រឹក ថ្ងៃទី១៣ ខែវិច្ឆិកា ឆ្នាំ២០២០នេះ ទីកន្លែងលក់ត្រីមួយកន្លែងក្នុងស្រុកស្អាង ខេត្តកណ្តាល។
យោងតាមដីការបង្គាប់ឲ្យនាំខ្លួន របស់ចៅក្រមស៊ើបសួរសាលាដំបូងខេត្តកណ្តាល ស្រ្តីរូបនោះឈ្មោះ ហុក ស្រីណុច អាយុ២៦ឆ្នាំ រស់នៅភូមិទួលក្តី ឃុំត្រើយស្លា ស្រុកស្អាង ខេត្តកណ្តាល ជាប់ចោទពីបទ៖ រំលោភលើលំនៅឋាន និងបរិហាកេរ្ត៍ជាសាធារណៈ ប្រព្រឹត្តនៅ ភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាលកាលពីថ្ងៃទី០៦ ខែកុម្ភៈ ឆ្នាំ២០២០។
បច្ចុប្បន្នស្រ្តីរូបនោះ ត្រូវបានបញ្ជូនទៅទីបញ្ជាការកងរាជអាវុធហត្ថខេត្តកណ្តាល ដើម្បីបន្តនីតិវិធី៕
