តាមរយៈសារជាសំឡេងផ្ញើជូនជនរួមជាតិនៅយប់ថ្ងៃទី៤ ខែធ្នូ នេះ សម្តេចតេជោ ហ៊ុន សែន បានធ្វើការប៉ាន់ស្មានថា ការផ្ទុះកូវីដ១៩ចូលសហគមន៍ ពោលគឺព្រឹត្តិការណ៍សហគមន៍២៨វិច្ឆិកា គឺអាចនឹងកើតចេញពីការធ្វើចត្តាឡីស័កមិនគ្រប់១៤ថ្ងៃរបស់ជនបរទេសមួយចំនួន។
សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា
សម្តេចតេជោ លើកឡើងថា កន្លងមកនេះ រាជរដ្ឋាភិបាល បានបន្ធូរបន្ថយដល់ការធ្វើចត្តាឡីស័ករបស់អ្នកជំនួញ អ្នកបច្ចេកទេស អ្នកជំនាញ និងអ្នកសេដ្ឋកិច្ចជាដើមដែលមកពីបរទេស ដែលតម្រូវឱ្យធ្វើចត្តាឡីស័ករយៈពេលខ្លីប៉ុណ្ណោះ ពោលគឺមិនគ្រប់១៤ថ្ងៃ ដូចអ្នកមកពីបរទេសដទៃឡើយ។ ក្នុងនោះអាចមានអ្នកដែលបានប្រាស្រ័យទាក់ទងជាមួយលោក ឆែម សាវុធ អគ្គនាយកពន្ធនាគារ ហើយបណ្តាលឲ្យមានការឆ្លងកូវីដ១៩តែម្តង៕
