កណ្តាល៖សមត្ថកិច្ចក្រុងតាខ្មៅនាព្រឹកថ្ងៃទី ៦ខែធ្នូនេះ បានសម្រេចបិទហាងផឹកស៊ីចំនួន២កន្លែង ជាបណ្ដោះអាសន្ន ដោយសារតែមិនគោរពបទបញ្ជាស្ដីពីកូវីដ-១៩ ។
លោក យី វណ្ណដា អធិការនគរបាលក្រុងតាខ្មៅបានថ្លែងប្រាប់ក្រុមអ្នករាយការណ៍ព័ត៌មានថា ហាងទាំងពីរនោះមានយីហោ ឡូហ្ស៊ិក និង គោលដៅចាស់ ។ លោកព្រមានថា សម្រាប់ហាងដទៃទៀត បើមិនគោរពតាមការណែនាំរបស់សមត្ថកិច្ច ក៏ប្រឈមនឹងការបិទផងដែរ ៕