ព្រះសីហនុ – គម្រោងអាគារពាណិជ្ជកម្មកម្ពស់ ៣៤ជាន់ របស់ក្រុមហ៊ុនចិន CLOUD ដែលមានតម្លៃជាង ២០០លានដុល្លារ បានបុកគ្រឹះសាងសង់ហើយកាលពីថ្ងៃទី១២ ខែធ្នូ ឆ្នាំ២០២០ម្សិលមិញ ហើយជាជំហានទី១ នឹងមានការសាងសង់បន្ទប់ខុនដូ និងផ្ទះវីឡាប្រមាណជាង ៩០០បន្ទប់។
ទាំងអស់នេះបញ្ជាក់ឲ្យឃើញថា ដោយមានទំនុកចិត្តមកលើរាជរដ្ឋាភិបាលកម្ពុជា ដែលមានសម្ដេចតេជោជាប្រមុខដឹកនាំធ្វើឲ្យប្រទេសជាតិមានការអភិវឌ្ឍន៍រីកចម្រើនលើគ្រប់វិស័យ ហើយអ្នកវិនិយោគទុនបរទេសមានជំនឿទុកចិត្តមកលើការដឹកនាំ របស់រាជរដ្ឋាភិបាលកម្ពុជា ដូចនេះហើយទើបគេហ៊ានចំណាយបោះទុនរាប់រយលានដុល្លារមកលើទឹកដីប្រទេសកម្ពុជា ជាពិសេសក្នុងខេត្តព្រះសីហនុ។
ជាមួយគ្នាអ្នកវិនិយោគទុន នៃប្រទេសចិនក៏បានស្នើដល់បងប្អូនប្រជាពលរដ្ឋកម្ពុជាមានទំនុកចិត្តលើអ្នកវិនិយោគទុនប្រទេសចិន ទោះបីជាជួបនូវវិបត្តិសេដ្ឋកិច្ចដោយសារជំងឺកូវីដ-១៩ ក៏ប្រទេសចិនមិនបោះបង់ចោល នឹងបន្តការអភិវឌ្ឍន៍ វិនិយោគ គ្រប់វិស័យនៅក្នុងខេត្តព្រះសីហនុដែរ៕
ដោយ៖ នាគសមុទ្រ