ព្រះសីហនុ – នាយកដ្ឋាននគរបាលបង្ការ ពន្លត់អគ្គិភ័យបានឲ្យដឹងថា កាលពីវេលាម៉ោងប្រមាណ៣ទៀបភ្លឺ ថ្ងៃពុធទី ទី១៦ ខែធ្នូ ឆ្នាំ២០២០នេះ មានករណីអគ្គីភ័យបានឆាបឆេះឃ្លាំងដាក់ឥវ៉ាន់ និងសម្ភារះរីសតឈ្មោះ (សុខសាន្តរីស៊ត) ដែលមានទីតាំងស្ថិតនៅភូមិសុខសាន្ត សង្កាត់កោះរ៉ុង ក្រុងកោះរ៉ុង ខេត្តព្រះសីហនុ រហូតដល់ម៉ោង៧ព្រឹកទើបអាចគ្រប់គ្រងស្ថានការណ៍បាន។
សម្ភារះរីស៊តដែលរងការខូចខាតទាំងស្រុងមានដូចជា៖ ឡានឆែរឡែតចំនួន ០១ គ្រឿង, ម៉ាសុីនអូប័រ២៥០សេសចំនួន ០២ គ្រឿង, ម៉ាសុីនត្រជាក់ចំនួន ០៥ គ្រឿង, ទូរទឹកកកតូច ០៤ គ្រឿង, ម៉ាសុីនស្វាន ០២ គ្រឿង, ខ្សែភ្លើង ដងហ្វា តុកៅអី កង្ហារនិងសម្ភារះមួយចំនួនផ្សេងៗទៀត ។
ចំពោះមូលហេតុ នៃការឆេះនេះ កម្លាំងជំនាញកំពុងបន្តធ្វើការស្រាវជ្រាវ៕
