ស្វាយរៀង – បុរសអាយុ២៨ឆ្នាំម្នាក់ ត្រូវសមត្ថកិច្ចឡោមព័ទ្ធ និងចាប់ខ្លួន ក្រោយពីបានប្រើហិង្សាដោយយកពូថៅកាប់ទៅលើមេភូមិ និងដុតផ្ទះខ្លួនឯង ។ ហេតុការណ៍នេះ បានកើតឡើងកាលពីរសៀលថ្ងៃទី១៧ ខែមករា ឆ្នាំ២០២១ ស្ថិតនៅភូមិត្របែកប្រហោង ឃុំតាសួស ស្រុកស្វាយជ្រុំ ខេត្តស្វាយរៀង។
បើតាមការរៀបរាប់របស់ប្រពន្ធជនសង្ស័យថា ជនសង្ស័យមានឈ្មោះ កែវ ធូ អាយុ២៨ឆ្នាំ មានមុខរបរមិនពិតប្រាកដ ហើយនៅថ្ងៃកើតហេតុនោះ ប្តីរបស់ខ្លួនទើបត្រឡប់មកពីភ្នំពេញវិញ ហើយក៏មានជម្លោះនឹងគ្នា ដោយបុរសជាប្តីបានគមរាមអា.កសម្លាប់នាង ហើយនាងក៏បានរត់ទៅប្តឹងមេភូមិ ហើយពេលដែលមេភូមិមកសួរនាំ ជនសង្ស័យក៏បានស្ទុះទៅកាប់មេភូមិត្រូវចំនួន៦កន្លែងបណ្តាលឲ្យរងរបួស រួចក៏ដុតម៉ូតូរបស់ខ្លួន និងផ្ទះផងដែរ។
ក្រោយកើតហេតុការណ៍នេះ សមត្ថកិច្ចក៏បានចុះទៅអន្តរាគមន៍ ដោយយកលោកមេភូមិទៅកាន់មន្ទីរពេទ្យ ព្រមទាំងឡោមព័ទ្ធផ្ទះជនសង្ស័យ ព្រោះតែជនសង្ស័យមានពូថៅនៅជាប់នឹងខ្លួន៕
