ភ្នំពេញ – ទោះជាបវេសនកាលឆ្នាំសិក្សាថ្មី ត្រូវបានចាប់ផ្តើមកាលពីថ្ងៃទី១១ ខែមករា ឆ្នាំ២០២១ ក៏ដោយ ក៏មានសាលាបឋមសិក្សាចំនួន១៣ អនុវិទ្យាល័យចំនួន១៨ និងវិទ្យាល័យចំនួន ១៩ ដែលមានទីតាំងស្ថិតនៅក្នុងខេត្តបាត់ដំបង បន្ទាយមានជ័យ និងឧត្តរមានជ័យ ពុំអាចបើកដំណើរការព្រមគ្នាជាមួយសាលារៀនដទៃទៀតឡើយ ព្រោះសាលារៀនទាំងនោះកំពុងត្រូវប្រើប្រាស់ជាមជ្ឈមណ្ឌលចត្តាឡីស័ក សម្រាប់ពលករចំណាកស្រុកកម្ពុជា ដែលបានវិលត្រឡប់ពីប្រទេសថៃ។
យ៉ាងណាក៏ដោយ ក្រសួងអប់រំ យុវជន និងកីឡា បានរកឃើញថា ការខ្វះសៀវភៅសិក្សា គឺជាបញ្ហាប្រឈមធំជាងគេបំផុត ដែលសិស្សានុសិស្សទាំងនោះកំពុងជួបប្រទះ ជាពិសេសសិស្សដែលត្រូវរៀនពីចម្ងាយនៅតាមផ្ទះ ឬដែលត្រូវរៀននៅសាលាមួយទៀតនៅក្បែរសាលារៀនខ្លួន។
ដើម្បីឆ្លើយតបចំពោះតម្រូវការនេះ យូនីសេហ្វ ដោយមានការគាំទ្រថវិកាពីប្រទេសស៊ុយអែត បានទិញសៀវភៅសិក្សាគ្រប់មុខវិជ្ជាគោលសម្រាប់ចែកជូនសិស្សនៅក្នុងសាលាបឋមសិក្សា អនុវិទ្យាល័យ និងវិទ្យាល័យចំនួន ៥០ ចាប់ពីថ្នាក់ទី១ ដល់ថ្នាក់ទី១២ ដែលសរុបសៀវភៅសិក្សាចំនួន ៣៥.០៥៥ក្បាល។
_
_
_
