(កំពង់ឆ្នាំង) – ករណីមនុស្សចំនួន៦នាក់ ដែលរួមមានទាំងទារកក្នុងផ្ទៃម្នាក់ផងបានស្លាប់ក្នុងផ្ទះដែលត្រូវអគ្គិភ័យឆេះកាលពីយប់ថ្ងៃទី៩ ខែឧសភា នៅស្រុកបរិបូណ៌នោះ ឥឡូវនេះ សមត្ថកិច្ចបានបញ្ជាក់ថា ករណីនេះមានជនសង្ស័យជាប្តី និងជាឪពុករបស់ជនរងគ្រោះទាំងនោះ។
បើតាមការបញ្ជាក់របស់លោកឧត្តមសេនីយ៍ត្រី អៀរ ប៊ុនធឿន ស្នងការរង និងជាអ្នកនាំពាក្យ នៃស្នងការដ្ឋាននគរបាលខេត្តកំពង់ឆ្នាំង ថ្លែងនៅព្រឹកថ្ងៃទី១២ ខែឧសភា ឆ្នាំ២០២១នេះថា ករណីភ្លើងឆេះផ្ទះសម្លាប់មនុស្ស ៦នាក់ទាំងទារក នៅក្នុងពោះម្ដាយម្នាក់ផង ដែលបានកើតហេតុកាលពីយប់ថ្ងៃទី៩ ខែឧសភា ឆ្នាំ២០២១ នៅក្នុងឃុំខុនរ៉ង ស្រុកបរិបូណ៌ ខេត្តកំពង់ឆ្នាំង កន្លងទៅនេះ គឺជាអំពើឃាតកម្ម ដែលឃាតកគឺជាប្ដី និងជាឪពុក ដែលបានដុតផ្ទះសម្លាប់ប្រពន្ធ និងកូនខ្លួនឯង។
សម្រាប់ព័ត៌មានលម្អិត ស្នងការនគរបាលខេត្តកំពង់ឆ្នាំង នឹងធ្វើសន្និសីទសារព័ត៌មាននៅពេលក្រោយ៕
