(ភ្នំពេញ) – កញ្ញា មាន ពេជ្ររីត ពិធីការិនីស្ថានីយ៍ទូរទស្សន៍ My TV ដែលត្រូវឧកញ៉ា ហេង សៀ ប្តឹងពីបទលួចទូរស័ព្ទ និងបង្ករបួសស្នាមនោះ ត្រូវបានតុលាការសម្រេចដោះលែងឲ្យនៅក្រៅឃុំជាបណ្តោះអាសន្នហើយនៅព្រឹកថ្ងៃទី១៣ ខែឧសភា ឆ្នាំ២០២១នេះ។
កញ្ញា មាន ពេជ្ររីតា ត្រូវបានតុលាការសម្រេចធ្វើការឃុំខ្លួនកាលពីថ្ងៃទី១១ ខែឧសភា ឆ្នាំ២០២១ ក្រោមបណ្តឹងចោទប្រកាន់ថា បានលួចទូរស័ព្ទ និងធ្វើឲ្យលោកឧកញ៉ា ហេង សៀ មានរបួស, ក្រោយការចោទប្រកាន់នេះ កញ្ញា មាន ពេជ្ររីតា ក៏បានទម្លាយរឿង និងចោទប្រកាន់ថា លោកឧកញ៉ា ហេង សៀ បានប៉ុនប៉ងរំលោភរូបនាងនៅលើរថយន្ត។
យ៉ាងណាក៏ដោយ ចំពោះសំណុំរឿងចោទប្រកាន់គ្នាទៅវិញទៅមកនេះ ពេលនេះតុលាការកំពុងតែបើកការស៊ើបអង្កេត ក្រោមការតាមដានរបស់ក្រសួងយុត្តិធម៌ហើយ៕
