អយ្យការអមសាលាដំបូងរាជធានីភ្នំពេញនៅថ្ងៃនេះ បានចេញសេចក្តីថ្លែងការណ៍មួយ ដោយបញ្ជាក់ពីការឃាត់ខ្លួនកូនប្រសា របស់ឧកញ៉ា ហេង សៀ ដែលធ្វើឲ្យមានការភ្ញាក់ផ្អើលកាលពីពេលថ្មីៗនេះ។
ក្នុងសេចក្តីថ្លែងការណ៍នោះបានបញ្ជាក់ថា អយ្យការអមសាលាដំបូងរាជធានីភ្នំពេញ បានរកឃើញភស្តុតាងរឹងមាំពាក់ព័ន្ធនឹងមនុស្សដែលបានផលិត និងចែកចាយរូបភាព កញ្ញា មាន ពេជ្ររីតា ដែលបណ្តាលឲ្យប៉ះពាល់យ៉ាងធ្ងន់ធ្ងរដល់កិត្តិយស និងសេចក្តីថ្លៃថ្នូររបស់កញ្ញា មាន ពែជ្ររីតា ក៏ដូចជាបានធ្វើឲ្យប៉ះពាល់យ៉ាងធ្ងន់ធ្ងរដល់សេចក្តីថ្លៃថ្នូរបស់ស្រ្តី។
ដោយផ្អែកលើការស៊ើបអង្កេត ទីបំផុតជាបឋម សមត្ថកិច្ចបានឃាត់ខ្លួនមនុស្សចំនួន២នាក់ ដែលមានឈ្មោះ ឃន ឈុនតារា និងឈ្មោះ តាំង គឹមហៀង ដែលបានជ្រើសរើសមនុស្សពីរនាក់ គឺស្រីម្នាក់ និងបុរសម្នាក់ដែលមានលក្ខណៈភិនភាគប្រហាក់ប្រហែលកញ្ញា មាន ពេជ្ររីតា និងឈ្មោះ ហេង សៀ ដើម្បីថតសម្តែងត្រាប់អង្គហេតុ នៃជម្លោះដែលបានកើតមានឡើងរវាងកញ្ញា មាន ពេជ្ររីតា និងឈ្មោះ ហេង សៀ ក្នុងរថយន្តកើតហេតុ។
