រដ្ឋបាលខេត្តតាកែវកាលពីល្ងាចថ្ងៃម្សិលមិញនេះ បានសម្រេចបិទជាបណ្តោះអាសន្នផ្សារត្រពាំងអណ្តើក ដែលមានទីតាំងស្ថិតនៅភូមិទួលខ្លុង ឃុំអូរសារាយ ស្រុកត្រាំកក់ ក្រោយមានអ្នកវិជ្ជមានជំងឺកូវីដ១៩បានប៉ះពាល់ដោយផ្ទាល់ និងដោយប្រយោលជាមួយមនុស្សជាច្រើននាក់នៅទីនោះ។
ការបិទនេះ ត្រូវធ្វើឡើងចាប់ពីថ្ងៃទី៣១ ខែឧសភា រហូតដល់មានការជូនដំណឹងជាថ្មី, ហើយជាមួយគ្នាអាជីវករនៅក្នុងផ្សារទាំងអស់ មានកាតព្វកិច្ចផ្តល់វត្ថុសំនាកទៅវិភាគរកមេរោគកូវីដ១៩ ដល់មន្រ្តីសុខាភិបាល។
