សៀមរាប — រដ្ឋបាលខេត្តសៀមរាបនៅថ្ងៃនេះ បានចេញសេចក្តីសម្រេចថ្មីមួយទៀត ដោយបន្តធ្វើការបិទផ្សារលើធំថ្មី ស្ថិតនៅភូមិដកពោធិ៍ សង្កាត់ស្លក្រាម ក្រុងសៀមរាប ចំនួន២សប្តាហ៍បន្តទៀត ដោយគិតចាប់ពីថ្ងៃទី៧ កក្កដា រហូតដល់ថ្ងៃទី២០ ខែកក្កដា ឆ្នាំ២០២១។
ការបិទនេះ គឺដោយសារតែអាជ្ញាធរបានរកឃើញថា ទីតាំងផ្សារនេះ គឺមានការឆ្លងរាលដាល នៃជំងឺកូវីដ១៩ ក្នុង ព្រឹត្តិការណ៍សហគមន៍ ២០កុម្ភៈ។
គួរបញ្ជាក់ថា កាលពីថ្ងៃទី២៤ ខែមិថុនា ឆ្នាំ២០២១កន្លងទៅ រដ្ឋបាលខេត្តសៀមរាប ក៏បានចេញសេចក្តីសម្រេចធ្វើការបិទផ្សារលើធំថ្មីជាបណ្តោះអាសន្នរួចម្តងហើយ ដើម្បីទប់ស្កាត់ការឆ្លងរាលដាលជំងឺកូវីដ១៩៕
