ភ្នំពេញ — ថ្លែងទៅកាន់អ្នកសារព័ត៌មានកាលពីព្រឹកមិញនេះ លោកស្រី យក់ សម្បត្តិ មន្រ្តីជាន់ខ្ពស់ក្រសួងសុខាភិបាលបានបញ្ជាក់ថា ការចាក់វ៉ាក់សាំងដូសទី៣ និងការចាក់លើមនុស្សអាយុក្រោយអាយុ១៨ឆ្នាំ កំពុងត្រូវបានសិក្សា ហើយចំពោះប្រសិទ្ធភាពវ៉ាក់សាំងលើការការពារវីរុសបំប្លែងថ្មី ប្រភេទឌែលតា (Delta) ក៏នឹងមានការសិក្សាផងដែរ។
លោកស្រី យក់ សម្បត្តិ មន្រ្តីជាន់ខ្ពស់ក្រសួងសុខាភិបាល
យ៉ាងណាក៏ដោយ បើតាមលោកស្រី យក់ សម្បត្តិ វ៉ាក់សាំងអាចការពារពីការធ្លាក់ឈឺធ្ងន់ ហើយបើទោះយើងចាក់វ៉ាក់សាំងហើយក៏ដោយ បើមិនអនុវត្តវិធានការ ការពារទេ ការឆ្លងនៅតែអាចកើតមាន។ លោកស្រីសង្ឃឹមថា បងប្អូនប្រជាពលរដ្ឋទាំងអស់នឹងនៅតែបន្តអនុវត្តវិធានការ ការពាររបស់ក្រសួងសុខាភិបាល ក៏ដូចជាវិធានការពាររបស់រាជរដ្ឋាភិបាលកម្ពុជា៣កុំ ៣កាពារដដែល។
សូមបញ្ជាក់ថា នៅក្នុងកិច្ចប្រជុំគណៈរដ្ឋមន្រ្តីតាមប្រព័ន្ធវីដេអូកាលពីថ្ងៃសុក្រម្សិលមិញ រាជរដ្ឋាភិបាលកំពុងតែពិចារណាក្នុងការចាក់វ៉ាក់សាំងដូសទី៣ ជូនប្រជាពលរដ្ឋ ក៏ដូចជាក្មេងអាយុក្រោម ១៨ឆ្នាំផងដែរ៕
