ព្រះសីហនុ៖ នៅព្រឹក ថ្ងៃទី១១ ខែកក្កដា ឆ្នាំ២០២១ លោក ឈិន សេងងួន អភិបាលរងខេត្តព្រះសីហនុ បានអញ្ជើញចុះពិនិត្យមើលការចាក់វ៉ាក់សាំងដូសទី២ ជូនដល់ប្រជាពលរដ្ឋ នៅស្រុកកំពង់សីលា ខេត្តព្រះសីហនុ។
លោក ឈិន សេងងួន អភិបាលរងខេត្តព្រះសីហនុ បានមានប្រសាសន៍ថា ការចាក់វ៉ាក់សាំងដល់បងប្អូននេះ គឺមិនមានគិតថ្លៃទេ ហើយការផ្ដល់វ៉ាក់សាំងទាំងអស់នេះ ដោយមានការយកចិត្តទុកដាក់ខ្ពស់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
លោកអភិបាលរងខេត្តបន្តថា ទោះជាបងប្អូនបានចាក់វ៉ាក់សាំងរួចហើយក្តី បងប្អូនត្រូវតែអនុវត្តតាមវិធានការណ៍របស់ក្រសួងសុខាភិបាល និងតាមអនុសាសន៍របស់សម្តេចតេជោ ហ៊ុន សែន គឺ ៣.ការពារ និង៣.កុំ ឱ្យបានជាប់ជាប្រចាំទាំងអស់គ្នា។
ជាមួយគ្នានោះ លោកអភិបាលរងខេត្តបានជូនពរបងប្អូនប្រជាពលរដ្ឋ ឱ្យមានសុខភាពល្អ និងសុវត្ថិភាពទាំងអស់គ្នា ជៀសឱ្យផុតពីជំងឺកូវីដ-១៩៕
ដោយ ដែនសមុទ្រ
