តាមរបាយការណ៍របស់ក្រសួងសុខាភិបាលកម្ពុជា ចេញផ្សាយនៅថ្ងៃទី១៧ ខែកក្កដា ឆ្នាំ២០២១នេះ បានបញ្ជាក់ថា មានមនុស្សចំនួន ២៤នាក់បានស្លាប់ដោយសារជំងឺកូវីដ១៩ ដោយធ្វើឲ្យកម្ពុជាមានមនុស្សចំនួន ១០៧៦នាក់ បានស្លាប់ដោយសារជំងឺកូវីដ១៩។
ក្នុងនោះដែរ នៅថ្ងៃនេះ កម្ពុជាក៏បានរកឃើញអ្នកឆ្លងកូវីដ១៩ថ្មីចំនួន ៨៣៦នាក់ ខណៈអ្នកជំងឺ ៩២៨នាក់ជាសះស្បើយ។
គិតត្រឹមព្រឹកថ្ងៃទី១៧ ខែកក្កដា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩ សរុបចំនួន ៦៦,៣៣៦នាក់ ក្នុងនោះអ្នកជាសះស្បើយសរុបចំនួន ៥៧,៩៥៥នាក់៕