ហុងកុង៖ នគរបាល ក្រុងហុងកុង កាលពីថ្ងៃពុធ (២១កក្កដា) បានចាប់ខ្លួនមនុស្សសំខាន់ៗ នៃកាសែត Apple Daily ដែលបិទទ្វារចំនួន៤នាក់ ពីបទឃុបឃិតជាមួយកម្លាំងបរទេស ។ នេះបើតាមការផ្សាយរបស់CNA នាព្រឹកថ្ងៃទី២២ កក្កដា នេះ ។
លោក Lam Man-chung អតីតនិពន្ធនាយកកាសែតApple Daily ដែលត្រូវឃុំខ្លួន
ប្រភពពីប៉ូលីសបានប្រាប់ AFP ថា អតីតនិពន្ធនាយកកាសែតបោះពុម្ពដែលមាននិន្នាការប្រជាធិបតេយ្យ នេះគឺលោក Lam Man-chung ត្រូវបានឃុំខ្លួនកាលពីព្រឹកថ្ងៃពុធ ហើយពួកគេដែលមានអាយុចន្លោះពី៥១ ទៅ ៥៧ ឆ្នាំ ទាំងនោះ នឹងត្រូវបញ្ជូនទៅតុលាការ ដើម្បីជំនុំជម្រះ នៅថ្ងៃព្រហស្សតិ៍ នេះ ៕