ភ្នំពេញ — សម្តេច ហ៊ុន សែន នាយករដ្ឋមន្រ្តី នៅល្ងាចថ្ងៃសុក្រនេះ បានប្រកាសប្តូរថ្ងៃចាប់ផ្តើមយុទ្ធនាការចាក់វ៉ាក់សាំងកូវីដ១៩ ចំពោះកុមារ ដោយប្តូរពីថ្ងៃទី៦ សីហា មកថ្ងៃទី១ ខែមេសា ឆ្នាំ២០២១វិញ។
សម្តេចបានបញ្ជាក់ថា ការប្តូរថ្ងៃនេះ គឺដើម្បីឲ្យទាន់សភាពការណ៍។
បើតាមសារព័ត៌មាន Fresh News ថា នៅថ្ងៃបើកយុទ្ធនាការចាក់វ៉ាក់សាំងកូវីដ១៩សម្រាប់កុមារនោះ សម្តេច ហ៊ុន សែន នឹងអញ្ជើញទៅធ្វើជាអធិបតី នៅមន្ទីរពេទ្យកាល់ម៉ែត ដោយសម្តេចនឹងនាំយកចៅៗរបស់សម្តេចទាំងអស់ដែលមានអាយុ១២-១៧ឆ្នាំ ទៅទទួលវ៉ាក់សាំងនៅថ្ងៃនោះតែម្តង ហើយក្រៅពីចៅរបស់សម្តេចក៏នៅមានចៅៗ របស់ថ្នាក់ដឹកនាំសំខាន់ៗជាច្រើនទៀត ក៏ទៅទទួលវ៉ាក់សាំងផងដែរ។