កាលពីថ្ងៃច័ន្ទ រដ្ឋាភិបាលអារ៉ាប់រួម បានឱ្យដឹងនៅលើបណ្តាញសង្គម Twitter ថា អារ៉ាប់រួមនឹងចាប់ផ្តើមចាក់វ៉ាក់សាំងបង្ការមេរោគកូវីដ១៩ Sinopharm របស់ចិន ដល់កុមារអាយុចាប់ពី ៣ឆ្នាំ រហូតដល់ ១៧ ឆ្នាំ។
វ៉ាក់សាំងកូវីដ១៩ Sinopharm ផលិតដោយប្រទេសចិន
ការសម្រេចចិត្តនេះធ្វើឡើងបន្ទាប់ពីការសាកល្បងព្យាបាល និងការវាយតម្លៃយ៉ាងទូលំទូលាយ ប៉ុន្តែមិនផ្តល់ព័ត៌មានលម្អិតទេ ដោយអាជ្ញាធរបាននិយាយថា នៅក្នុងខែមិថុនា គេបានសាកល្បងទៅលើកុមារ ៩០០ នាក់។
គួរដឹងដែរថា គិតត្រឹមថ្ងៃទី១ សីហា ២០២១ ប្រជាជនអារ៉ាប់រួមប្រមាណ ៧៨,៩៥% នៃប្រជាជនសរុប ៩លាននាក់ បានទទួលចាក់វ៉ាក់សាំង ក្នុងនោះ ៧០,៥៧% បានចាក់គ្រប់ដូស, ហើយបច្ចុប្បន្នេះ អារ៉ាប់រួម ក៏បាននឹងកំពុងចាក់វ៉ាក់សាំង Pfizer ទៅលើក្មេងអាយុពី ១២-១៥ ឆ្នាំផងដែរ៕
