លោកឧត្តមសេនីយ ថាន់ស្វេ ដែលបានក្តោបអំណាចនៅប្រទេសមីយ៉ាន់ម៉ាពីឆ្នាំ1992-2011 បានចូលសម្រាកនៅមន្ទីរពេទ្យយោធា ក្នុងរដ្ឋធានីណៃពីដោរ ជិត២សប្តាហ៍មកហើយ ក្រោយតេស្តរកឃើញវីរុសកូវីដ១៩។
លោកឧត្តមសេនីយ ថាន់ស្វេ
បុគ្គលិកមន្ទីរពេទ្យម្នាក់បាននិយាយថា លោក ថាន់ស្វេ អាយុ ៨៨ ឆ្នាំត្រូវបានគេព្យាបាលនៅផ្នែក VIP នៃមន្ទីរពេទ្យក្រោមការធានាសន្តិសុខយ៉ាងតឹងរ៉ឹង។
ពេលនេះ ប្រទេសមីយ៉ាន់ម៉ា កំពុងតស៊ូជាមួយការកើនឡើងនៃជំងឺកូវីដ -១៩ ដ៏អាក្រក់បំផុត ខណៈដែលពលរដ្ឋក្នុងប្រទេសនេះមួយចំនួន បានធ្វើការចោទប្រកាន់មេដឹកនាំយោធាថា បានធ្វើឲ្យស្ថានការណ៍កាន់តែអាក្រក់ទៅ ៗ ដោយសារបង្វែរការផ្គត់ផ្គង់វេជ្ជសាស្ត្រសំខាន់ៗសម្រាប់តែបក្ខពួកខ្លួន និងអ្នកគាំទ្រ៕
ប្រភព៖ scmp.com
