ឃឹម ហ្វីណង់ ៖ ចម្ការ និងរមណីយដ្ឋានរឹតតែច្រើន កំពុងតែរីកដុះដាលជាបន្តបន្ទាប់នៅក្នុងស្រុកបន្ទាយស្រី

លោក ឃឹម ហ្វីណង់ ដែលគេដឹងថា គឺជា​អភិបាលស្រុកវ័យក្មេង​នៅស្រុកបន្ទាយស្រី ខេត្ត​សៀមរាប បានលើក​ឡើង​ថា ចម្ការ និងរមណីយដ្ឋានរឹតតែច្រើន កំពុងតែរីកដុះដាលជាបន្តបន្ទាប់នៅក្នុងស្រុកបន្ទាយស្រី តាមរយៈការវិនិយោគពីសំណាក់វិស័យឯកជន។

លោកថា ទោះបីជាក្នុងបរិបទកូវីដក៏ដោយ ការចូលរួមវិនិយោគនេះ បង្កើតបានជាដង្ហើមថ្មីនៃចរន្តសេដ្ឋកិច្ចរបស់ស្រុក បង្កើតការងារនិងមុខរបរបន្ថែម ដើម្បីលើកស្ទួយជីវភាពរបស់បងប្អូនប្រជាពលរដ្ឋ កាត់បន្ថយភាពក្រីក្រ ការធ្វើចំណាកស្រុកទៅរកការងារនៅទីកន្លែងដទៃ និងជួយប្រែក្លាយស្រុកបន្ទាយស្រីឱ្យទៅជា«ដែនដីនៃកសិទេសចរណ៍ដ៏សម្បូណ៌បែប»មួយ។