ព្រះសីហនុ — ខណៈភ្លៀងនៅតែបន្តធ្លាក់ស្ទើរគ្រប់ទីកន្លែង ក្នុងខេត្តព្រះសីហនុ ចាប់តាំងពីម្សិលមិញ រហូតមកដល់ព្រឹក ថ្ងៃ៩ កញ្ញានេះ អាជ្ញាធរខេត្ត សូមអំពាវនាវឲ្យពលរដ្ឋបង្កើនការប្រុងប្រយ័ត្ន ពិសេសតំបន់សមុទ្រ ដើម្បីការពារគ្រោះថ្នាក់ផ្សេងៗ។
សូមបញ្ជាក់ថា ក្រសួងធនធានទឹក និងឧតុនិយម បានចេញសេចក្តីជូនដំណឹង ស្តីពីស្ថានភាពអាកាសធាតុនៅកម្ពុជា ចាប់ពីថ្ងៃទី៨កញ្ញាដល់១៤ ខែកញ្ញា ឆ្នាំ២០២១ មានរាជធានីខេត្តចំនួន១១ អាចប្រឈមនឹងជំនន់ទឹកភ្លៀង រួមមានខេត្តបាត់ដំបង ខេត្តពោធិ៍សាត់ ខេត្តកំពង់ធំ ខេត្តកំពង់ឆ្នាំង ខេត្តកំពង់ស្ពឺ ខេត្តកណ្តាល ខេត្តស្វាយរៀង រាជធានីភ្នំពេញ ខេត្តកោះកុង ខេត្តព្រះសីហនុ និងខេត្តកំពត និងអំពាវនាវឲ្យបងប្អូនប្រជាពលរដ្ឋ បង្កើនការប្រុងប្រយ័ត្នខ្ពស់បំផុត៕
