ស្ថានឯកអគ្គរាជទូតកម្ពុជា ប្រចាំសាធារណរដ្ឋសហភាពមីយ៉ាន់ម៉ា បានជូនដំណឹងមួយដល់បងប្អូនប្រជាពលរដ្ឋខ្មែរទាំងអស់ដែលកំពុងរស់នៅប្រទេសមីយ៉ាន់ម៉ា ហើយមានបំណងចង់វិលត្រឡប់មកកម្ពុជាវិញ សូមធ្វើការទំនាក់ទំនងមកស្ថានទូត ព្រោះចុងខែនេះ នឹងមានជើងហោះហើរមួយពីមីយ៉ាន់ម៉ា មកកាន់កម្ពុជា។
_
បើតាមស្ថានទូតកម្ពុជាថា ខ្លួនបានសហការជាមួយភាគីមីយ៉ាន់ម៉ា រៀបចំជើងហោះហើរសង្គ្រោះលើកទី៧ (Relief Flight) ដើម្បីធ្វើមាតុភូមិនិវត្តន៍ប្រជាជនមីយ៉ាន់ម៉ា ពីប្រទេសកម្ពុជា នៅថ្ងៃទី២៨ ខែកញ្ញា ឆ្នាំ២០២១ តាមរយៈក្រុមហ៊ុនអាកាសចរណ៍មីយ៉ាន់ម៉ាអន្តរជាតិ (Myanmar Airways International – MAI)។
ដូច្នេះបងប្អូនខ្មែរដែលមានបំណងធ្វើដំណើរត្រឡប់ទៅកាន់ប្រទេសកម្ពុជាវិញ តាមរយៈជើងហោះហើរខាងលើ សូមធ្វើការចុះឈ្មោះជាមួយស្ថានឯកអគ្គរាជទូតកម្ពុជា ឲ្យបានឆាប់រួសរាន់ជាមួយ លោក ម៉ៅ ដារ៉េត លេខាធិការទី១ ដែលមានលេខទូរស័ព្ទ +95 9 445 399 399 យ៉ាងយូរត្រឹមថ្ងៃអង្គារ ទី២១ ខែកញ្ញា ឆ្នាំ២០២១ វេលាម៉ោង ០៤៖០០ នាទីរសៀល ដើម្បីស្ថានឯកអគ្គរាជទូត ចាត់ចែងបន្តបានទាន់ពេលវេលា។
ព័ត៌មានផ្ទាល់ខ្លួនសម្រាប់ការចុះឈ្មោះ រួមមាន៖
១. លិខិតឆ្លងដែន និងទិដ្ឋាការស្នាក់នៅក្នុងប្រទេសមីយ៉ាន់ម៉ា
២. អាសយដ្ឋាននៅប្រទេសមីយ៉ាន់ម៉ា និងអាសយដ្ឋាននៅប្រទេសកម្ពុជា
៣. លេខទូរស័ព្ទ ដែលអាចទំនាក់ទំនងបាននៅមីយ៉ាន់ម៉ា (លេខទូរស័ព្ទផ្ទាល់ខ្លួន) និងនៅប្រទេសកម្ពុជា (លេខទូរស័ព្ទផ្ទាល់ខ្លួន គ្រួសារ ឬសាច់ញាតិ)
៤. តួនាទី និងឈ្មោះ ទីកន្លែងធ្វើការនៅមីយ៉ាន់ម៉ា៕
