ភ្នំពេញ — លោក ហេង សួរ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានធ្វើការណែនាំដល់រដ្ឋបាលរោងចក្រ សហគ្រាស ក្រុមហ៊ុន ត្រូវកត់ឈ្មោះកម្មករ និយោជិត បុគ្គលិកទាំងអស់ ដែលអវត្តមានក្នុងអំឡុងពេលចូលឆ្នាំ ដើម្បីប្រគល់ជូនអាជ្ញាធរ និងដើម្បីត្រៀមធ្វើចត្តាលីស័ក។
តាមការបញ្ជាក់របស់លោក ហេង សួរ នៅលើបណ្តាញសង្គមថា វិធានការនេះ គឺដើម្បីបង្ការហានិភ័យក្រោយពេលចូលឆ្នាំខាងមុខនេះ ដោយក្នុងនោះបងប្អូនកម្មករ និយោជិត ដែលអវត្តមាន នឹងត្រូវដាក់ឲ្យនៅដាច់ដោយឡែកពីគេ នៅតាមផ្ទះជួលរបស់ខ្លួនចំនួន ១៤ថ្ងៃ ដោយគ្មានប្រាក់ឈ្នួលសិន ទើបអនុញ្ញាតឲ្យចូលធ្វើការវិញ៕