ក្រសួងពាណិជ្ជកម្ម នៅថ្ងៃទី១ ខែវិច្ឆិកា ឆ្នាំ២០២១នេះ បានជូនដំណឹង ស្តីពីការកំណត់ថ្លៃប្រេងឥន្ធនៈ ត្រូវលក់រាយតាមស្ថានីយ ចាប់ពីថ្ងៃទី១ ដល់ថ្ងៃទី១៥ ខែវិច្ឆិកា ឆ្នាំ២០២១ ក្នុងនោះប្រេងសាំងធម្មតាត្រូវបានកំណត់ឲ្យលក់ក្នុងតម្លៃ ៤,៥៥០រៀល ក្នុងមួយលីត្រ ខណៈប្រេងម៉ាស៊ូតលក់ក្នុងតម្លៃ ៤,១០០រៀល ក្នុង១លីត្រ។
បើប្រៀបធៀបនឹង២សប្តាហ៍កន្លងទៅ តម្លៃសប្រេងសាំងធម្មតា បានឡើងថ្លៃ ២៥០រៀល រីឯម៉ាស៊ូត ឡើងថ្លៃ ១០០រៀល ក្នុងមួយលីត្រ។
បើតាមក្រសួងពាណិជ្ជកម្ម តម្លៃប្រេងឥន្ទនៈលើទីផ្សារអត្តរជាតិ ថ្លៃលក់រាយប្រេងឥន្ទនៈ ចាប់ពីថ្ងៃទី១ ដល់ថ្ងៃទី១៥ ខែវិច្ឆិកា ឆ្នាំ២០២១ នឹងត្រូវលក់ ៤ ៧១០រៀល និងតម្លៃប្រេងម៉ាស៊ូតលក់ ៤ ២៦០រៀល ក្នុងមួយលីត្រ។ តែដើម្បីជួយសម្រួលដល់ជីវភាពរបស់ប្រជាជន និងដោយមានការរួមចំណែកពីក្រុមហ៊ុនចែកចាយប្រេងឥន្ធនៈនៅកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា បានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជា ចំនួន៤សេនដុល្លារ ក្នុងមួយលីត្រ៕