ទោះបីបច្ចុប្បន្នស៊ីម៉ង់ត្រូវបានគេប្រើប្រាស់ជាទូទៅក្នុងការសាងសង់អាគារធំៗក្ដី ក៍កំបោរបាយអនៅតែដើរតួនាទីសំខាន់ក្នុងការកសាង និងជួសជុលប្រាសាទដែលធ្វើពីឥដ្ឋ ។
ការជួសជុលប្រាសាទបុរាណដែលធ្វើពីឥដ្ឋគេត្រូវការកំបោរបាយអជាចាំបាច់។ កូនខ្មែរជំនាន់នេះ ក៏នៅតែចេះផ្សំសារធាតុផ្សេងៗធ្វើជាកំបោរបាយអ ដើម្បីបន្តវេនពីបុព្វបុរសខ្មែរជំនាន់មុនដែរ។
សារធាតុ ដែលអាចយកមកផ្សំធ្វើជាបាយអបានគឺងាយបំផុតដែលគេអាចរកបាននៅតាមផ្ទះ ដូចជា កំបោរធ្វើពីសំបកលៀស កំទេចឥដ្ឋ ដីខ្សាច់ ស្ករត្នោត ធ្យូង និងកាវស្បែកគោជាដើម៕