ភ្នំពេញ – ខណៈដែលសាលារៀនគ្រប់កម្រិតត្រូវបានអនុញ្ញាតឲ្យបើកដំណើរការឡើងវិញ នៅរសៀលថ្ងៃទី៨ វិច្ឆិកា ម្សិលមិញ ក្រសួងអប់រំ យុវជន និងកីឡា បានប្រកាសពន្យារពេល ដំណើរការរៀន និងបង្រៀន នៅកម្រិតមត្តេយ្យសិក្សា និងសេវាអប់រំកុមារតូច។
ក្រសួងអប់រំបញ្ជាក់ថា ការពន្យារពេលនេះ គឺដោយអនុវត្តតាមអនុសាសន៍ របស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ដោយសម្រេចស្នើដល់គ្រឹះស្ថាន មត្តេយ្យសិក្សាគ្រប់ប្រភេទ និងសេវាអប់រំកុមារតូច ត្រូវពន្យារពេល សម្រាប់ដំណើរការរៀន និងបង្រៀន ដោយផ្ទាល់ នៅតាមគ្រឹះស្ថានសិក្សា។
ក្រសួងថា បន្ទាប់ពីកុមារ អាយុ ៥ ឆ្នាំ បានចាក់វ៉ាក់សាំង ការពារកូវីដ-១៩ រួច ក្រសួងនឹងចេញលិខិតអនុញ្ញាត ឱ្យគ្រឹះស្ថានសិក្សា បើកបង្រៀន សម្រាប់កុមារ អាយុ ៥ ឆ្នាំ៕