ភ្នំពេញ – កាលពីថ្ងៃទី២៥ វិច្ឆិកា ប្រព័ន្ធបច្ចេកទេសរបស់ធនាគារ ABA បានជួបបញ្ហារអាក់រអួលចាប់ពីម៉ោង ៣ព្រឹក រហូតដល់ពេលរសៀល។ ករណីនេះបានធ្វើឲ្យមានបញ្ហារអាក់រអួល និងផលវិបាកដល់សាធារណជន ក្នុងការប្រើប្រាស់សេវាធនាគារ ABA។
ជាមួយនឹងករណីនេះ ធនាគារជាតិ នៃកម្ពុជា បានក្រើនរំលឹកដល់គ្រឹះស្ថានធនាគារ និងហិរញ្ញវត្ថុទាំងអស់ ត្រូវយកចិត្តទុកដាក់អនុវត្តសេចក្តីជូនដំណឹងលេខ ធ.៧.០១៩.៥៧៥ សជណ ស្តីពី ការដាក់ឲ្យអនុវត្តគោលការណ៍ណែនាំលើការគ្រប់គ្រងហានិភ័យព័ត៌មានវិទ្យា ដែលតម្រូវឲ្យគ្រឹះស្ថាននីមួយៗត្រូវដោះស្រាយរាល់ភាពរអាក់រអួលផ្នែកបច្ចេកទេសក្នុងរយៈពេល ២ម៉ោងយ៉ាងយូរ។
ហើយចំពោះករណីធនាគារ ABA ធនាគារជាតិ បានបញ្ជាក់ថា ខ្លួននឹងស្វែងយល់បន្ថែមទៀតអំពីប្រភព នៃបញ្ហានេះ ហើយនឹងចាត់វិធានការតាមនីតិវិធី។
យ៉ាងណាក៏ដោយ បើតាមសេចក្តីជូនដំណឹងរបស់ធនាគារ ABA ថា ការគាំងប្រព័ន្ធនេះ គឺមកពីខាងធនាគារបានតម្លើងសមត្ថភាពប្រព័ន្ធ ដោយវាមិនអាចត្រូវបានបញ្ចប់រួចរាល់ទាន់ពេលវេលា៕
