ភ្នំពេញ – តាមសេចក្តីជូនដំណឹងរបស់ក្រសួងសុខាភិបាលកម្ពុជានៅថ្ងៃទី២៣ ខែកុម្ភៈ ឆ្នាំ២០២២នេះ បានបញ្ជាក់ថា កាលពីថ្ងៃទី២២ ខែកុម្ភៈ កម្ពុជាមានករណីឆ្លងវីរុសកូវីដ១៩ថ្មី សរុបចំនួន ៥៥៨នាក់ ដែលត្រូវបញ្ជាក់ដោយម៉ាស៊ីន PCR។
បើតាមក្រសួងសុខាភិបាល អ្នកដែលត្រូវរកឃើញវិជ្ជមានកូវីដ១៩ទាំង ៥៥៨នាក់ គឺសុទ្ធតែជាប្រភេទអូមីក្រុងទាំងអស់។
ជាមួយគ្នានេះដែរ ក្រសួងក៏បានរាយការណ៍ពីករណីស្លាប់ដោយសារកូវីដ១៩ដែរ គឺមានចំនួន ១ករណី ដោយក្រសួងបញ្ជាក់ថា អ្នកដែលស្លាប់នោះគឺមិនបានចាក់វ៉ាក់សាំងការពារជំងឺកូវីដ១៩។
