ថ្លែងក្នុងពិធីសម្ពោធដាក់ឲ្យប្រើប្រាស់កំណាត់ផ្លូវជាតិលេខ៣ នៅព្រឹកថ្ងៃទី២ ខែកុម្ភៈ នេះ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានថ្លែងដោយស្នើសុំការយោគយល់ពីប្រជាពលរដ្ឋខ្មែរ ចំពោះការឡើងថ្លៃប្រេងនៅពេលនេះ គឺដោយសារតែសង្រ្គាមរវាងប្រទេសរុស្ស៊ី និងអ៊ុយក្រែន។
បើតាមប្រសាសន៍របស់សម្តេចតេជោ ប្រទេសរុស្ស៊ី គឺជាប្រទេសផលិតប្រេងដ៏ធំមួយដែរនៅលើពិភពលោក ហើយពេលនេះ ដោយសារតែសង្រ្គាមរវាងរុស្ស៊ី និងអ៊ុយក្រែន ព្រមជាមួយការដាក់ទណ្ឌកម្មសេដ្ឋកិច្ចពីប្រទេសនៅតំបន់អឺរ៉ុប មកលើប្រទេសរុស្ស៊ីផងនោះ ទើបធ្វើឲ្យតម្លៃប្រេងឡើងថ្លៃ។
បើយោងតាមសេចក្តីជូនដំណឹងរបស់ក្រសួងពាណិជ្ជកម្មកម្ពុជា កាលពីថ្ងៃទី១ មីនា ម្សិលមិញ បានបង្ហាញថា តម្លៃប្រេងសាំងនៅកម្ពុជា បានហក់ឡើងដល់ ៤៨០០រៀលនៅក្នុងមួយលីត្រ ខណៈតម្លៃប្រេងសាំងស៊ុបពែរ បានឡើងដល់ ៥៣៥០រៀលហើយ៕
