បើតាមសេចក្តីជូនដំណឹងរបស់ក្រសួងធនធានទឹក និងឧតុនិយម បានឲ្យដឹងថា នៅកំឡុងសប្តាហ៍នេះ ពោលគឺចាប់ពីថ្ងៃទី៦ ដល់ថ្ងៃទី១២ ខែមេសា ប្រទេសកម្ពុជានឹងទទួលឥទ្ធិពលចំនួន២ជាបន្តបន្ទាប់ គឺឥទ្ធិពលពីទ្រនុងសម្ពាធខ្ពស់ (ចិន) ក្នុងកម្រិតពីខ្សោយទៅមធ្យម ព្រមជាមួយឥទ្ធិពលកម្រិតសម្ពាធទាបខ្សោយ។
ស្ថានភាពបែបនេះ នឹងធ្វើឲ្យ បណ្តាខេត្តនៅតំបន់វាលទំនាបកណ្តាលកម្ពុជា មានសីតុណ្ហភាពពី២៣ ទៅ៣៦អង្សា នឹងអាចមានភ្លៀងក្នុងកម្រិតពីខ្សោយទៅមធ្យមជាអន្លើ។
សម្រាប់បណ្តាខេត្តជាប់ជួរភ្នំដងរែក និងខ្ពង់រាបឦសាន សីតុណ្ហភាពមានពី ២៣ ទៅ ៣៦អង្សាសេ នឹងអាចមានភ្លៀងក្នុងកម្រិតពីខ្សោយជាអន្លើ។
ចំណែកតំបន់មាត់សមុទ្រវិញ សីតុណ្ហភាពអាចមានពី២២ ទៅ ៣២អង្សា នឹងអាចមានភ្លៀងក្នុងកម្រិតពីខ្សោយទៅមធ្យមជាអន្លើ៕
