ខេត្តព្រះសីហនុ ៖ បុរសម្នាក់ត្រូវបានមន្ត្រី នៃមន្ទីរបរិ ស្ថានខេត្តព្រះសីហនុតម្រូវឲ្យបង់ប្រាក់ពិន័យ១លាន រៀលកាលពីរសៀលថ្ងៃទី១៣ កញ្ញា ម្សិលមិញ ពីបទថា បានចោលសំរាមនៅលើផ្លូវសាធារណៈ។
បុរសដែលសារភាពថា បានចោលសម្រាមនៅទីផ្សារធារណៈ
បុរសរូបនោះត្រូវគេរកឃើញថា បានយកសំរាមទៅបោះចោលនៅទីសាធារណៈ ដែលមានទីតាំង ខាង ក្រោយការាស់សាំងកាល់តិច ស្ថិតនៅភូមិ១ សង្កាត់លេខ២ ក្រុងព្រះសីហនុ កាលពីយប់ថ្ងៃទី ១០ កញ្ញា
បណ្តាលឲ្យប៉ះពាល់ដល់សណ្តាប់ធ្នាប់សាធារណៈ សោភ័ណភាពទីក្រុង និងអនាម័យបរិស្ថាន ។
អភិបាលខេត្តព្រះសីហនុ លោក គួច ចំរើន បានឱ្យអ្នកចោលសំរាមនោះចូលសារភាពដោយដាក់កំហិតត្រឹមម៉ោង ៥:00 ម្សិលមិញ ។ បុរសដែលមានកំហុសនោះបានចូលសារភាព និងសរសេរកិច្ចសន្យាផ្ទាល់ដៃបញ្ឈប់ការចោលសំរាមនៅទីសាធារណៈ រួមទាំងបង់ផាកពិន័យមួយលានរៀលទៅកាន់មន្ត្រី នៃមន្ទីរបរិស្ថានផងដែរ ៕
