បន្ទាយមានជ័យ : អង្គការសិទ្ធិមនុស្សលីកាដូបានឲ្យដឹងថា នារសៀលថ្ងៃទី០៦ ធ្នូ នេះ មានមន្ត្រីនគរបាលចំនួន ៦នាក់ បានចូលក្នុងបរិវេណការិយាល័យ លីកាដូ ខេត្តបន្ទាយមានជ័យ ហើយបានចាប់ខ្លួនមនុស្សចំនួន ៤ នាក់ ដែលកំពុងទទួលការប្រឹក្សាយោបល់ផ្នែកច្បាប់ ទាក់ទងនឹងការបញ្ចេញមតិតាមបណ្តាញសង្គម ដែលកំពុងជាប់ក្នុងពន្ធនាគារគឺ លោក កង សារ៉ន ។
អ្នកទទាំង៤ រួមមានអ្នកស្រី ហង្ស ត្រឹប ជាភរិយាលោក កង សារ៉ន កញ្ញា សេង ចន្ថា ជាកូនស្រីរបស់លោក សារ៉ន និងអ្អ្នកជិតខា២នាក់ផ្សេងទៀត ដែលជូនអ្នកទាំង២មកការិយាល័យ លីកាដូ ខេត្តបន្ទាយមានជ័យ ។
អ្នកទទាំង៤ ត្រូវបានចាប់ខ្លួន ១០ នាទី ក្រោយពេលចូលមកដល់ការិយាល័យរបស់អង្គការ លីកាដូ បន្ទាប់ពីអ្នកទាំងនោះ បានទៅសួរសុខទុក្ខលោក កង សារ៉ន នៅក្នុងពន្ធនាគារកាលពីពេលព្រឹក ។
បុគ្គលិកអង្គការ លីកាដូ បានស្នើសុំការបង្ហាញឯកសារពាក់ព័ន្ធ ប៉ុន្តែមន្ត្រីនគរបាលទាំងនោះមិនបានបង្ហាញនោះទេ ហើយបែរជានិយាយថា ពួកគេ “ធ្វើតាមបទបញ្ជា” ទៅវិញ ។ មន្ត្រីនគរបាលទាំងនោះ ក៏បានបញ្ជាឱ្យបុគ្គលិក លីកាដូ លុបចោលរូបភាព ដែលបុគ្គលិកថតបាន អំពីវត្តមានរបស់មន្ត្រីនគរបាលទាំងនោះចូលក្នុងបរិវេណការិយាល័យ ដោយមិនមានបង្ហាញដីកា ។
លោក សារ៉ន ត្រូវបានឃុំខ្លួនក្នុងពន្ធនាគារកាលពីថ្ងៃទី២៥ ខែវិច្ឆិកា ឆ្នាំ២០២៣ ហើយត្រូវបានតុលាការផ្តន្ទាទោសដាក់ពន្ធនាគារចំនួន ៣ ឆ្នាំ ទាក់ទងនឹងទស្សនៈនយោបាយរបស់លោក ដែលលោកបានបង្ហោះក្នុងគណនីហ្វេសប៊ុករបស់លោកអំអំឡុងយុទ្ធនាការបោះឆ្នោត ខែកក្កដា ឆ្នាំ២០២៣ ។ លោក កង សារ៉ន ទទួលបានការការពារក្ក្តីតាមផ្លូវច្បាប់ពីក្រុមមេធាវីរបស់អង្គការ លីកាដូ ៕
