កម្ពុជាផ្ដើមរៀបចំពិធីបុណ្យភ្នំ

ពោធិ៍សាត់: បន្ទាប់ពីបុណ្យសមុទ្រ បុណ្យទន្លេ កាលពីចុងសប្តាហ៍កន្លងទៅកម្ពុជាបានរៀបចំពិធីបុណ្យភ្នំ (Phnom Festival) លើកដំបូង នៅតំបន់ភ្នំ១,៥០០ ស្រុកវាលវែង ខេត្តពោធិ៍សាត់ ។

ពិធីដែលមានការគាំទ្រពីក្រសួងទេសចរណ៍នេះ បានធ្វើឡើងក្នុងគោលដៅ ជំរុញចលនាទេសចរណ៍ក្នុងស្រុក ស្របតាមស្មារតីរបស់ក្រសួងទេសចរណ៍ «ស្រលាញ់ជាតិ ត្រូវស្គាល់ទឹកដី» ផ្សព្វផ្សាយសក្តានុពលទេសចរណ៍ និងការវិនិយោគតំបន់ភ្នំ១,៥០០ ស្រុកវាលវែង ខេត្តពោធិ៍សាត់ ជាពិសេសផលិតផលទេសចរណ៍ថ្មីៗ រមណីយដ្ឋានទេសចរណ៍ប្រណីត និងធម្មជាតិដ៏ស្រស់បំព្រងសមជាគោលដៅ «បុប្ផាលាក់ខ្លួន» នៃខេត្តពោធិ៍សាត់។ ពិធីនេះត្រូវបានចាប់ផ្ដើមដោយមានអ្នកចូលរួមប្រមាណ ៣០០ នាក់ ៕