ណៃពិដោ ៖ មន្ត្រីយោធាថ្នាក់ឧត្តមសេនីយ៍៣រូបត្រូវបានរបបយោធាភូមាកាត់ទោសប្រហារជីវិត និង៣នាក់ទៀតដាក់គុកអស់មួយជីវិត ក្នុងរឿងថា បានដាក់អាវុធចុះ ផ្ដល់ឱកាសឲ្យក្រុមសម្ព័ន្ធភាពជនជាតិភាគតិចគ្រប់គ្រងទីក្រុង Laukkai នៃរដ្ឋ Shan ដែលជាក្រុងយុទ្ធសាស្ត្រដ៏សំខាន់ ។ នេះបើតាម AFP ផ្សាយព្រឹកថ្ងៃអង្គារទី ២០កុម្ភៈ នេះ ។
ប្រភពថា ក្នុងចំណោមអ្នកដែលត្រូវប្រហារជីវិតទាំង៣រូបនោះក៏មានមេបញ្ជាការដែលគ្រប់គ្រងផ្ទាល់ទីក្រុង Laukkai ផងដែរ ។
កាលពីខែមករា ឆ្នាំ២០២៤នេះ កងកម្លាំងយោធាភូមារាប់រយនាក់ បាននាំគ្នាទម្លាក់អាវុធចុះរួចប្រគល់ក្រុងឈ្មោះ Laukkai ឱ្យទៅសម្ព័ន្ធក្រុមចលនាប្រដាប់អាវុធជនជាតិភាគតិច Three Brotherhood Alliance បន្ទាប់ពីមានការប្រយុទ្ធតទល់គ្នាអស់រយៈពេលជាច្រើនខែ ដើម្បីជាថ្នូរទុកឱ្យមានការរួចរស់ជីវិត ៕