(ភ្នំពេញ) – ក្រសួងការងារ និងបណ្តុះបណ្តាលវិជ្ជាជីវៈបានឲ្យដឹងថា នៅរយៈពេល២ថ្ងៃចុងក្រោយនេះ មានកម្មករសរុបចំនួន ៦១១នាក់ ត្រូវបានដាក់ឲ្យធ្វើចត្តាឡីស័ក ក្រោយពីពួកគេបានវិលត្រឡប់មកចូលធ្វើការវិញ បន្ទាប់ពីឈប់សម្រាកអំឡុងពេលបុណ្យចូលឆ្នាំ។
តាមការបញ្ជាក់របស់ក្រសួងការងារ នៅថ្ងៃទី២២ ខែមេសា ឆ្នាំ២០២០ គិតត្រឹមម៉ោង៦យប់ មានកម្មកររោងចក្រមកពិនិត្យសុខភាពចំនួន ៥១៦នាក់ ហើយត្រូវដាក់ឲ្យធ្វើចត្តាឡីស័កនៅផ្ទះ ១៤ថ្ងៃចំនួន ៥០៥នាក់, ដាក់ឲ្យស្នាក់នៅមណ្ឌលចត្តាឡីស័កកម្រិត១ (វិទ្យាល័យជម្ពូវ័ន) ចំនួន ៦នាក់, ដាក់ឲ្យស្នាក់នៅមណ្ឌលចត្តាឡីស័កកម្រិត២ (វិទ្យាល័យជម្ពូវ័ន) ចំនួន៥នាក់ និងយកសំណាកទៅពិសោធបន្តចំនួន៦នាក់។
នៅថ្ងៃទី២៣ ខែមេសា ឆ្នាំ២០២០ គិតត្រឹមម៉ោង ១១ព្រឹក មានកម្មករមកត្រួតពិនិត្យសុខភាពចំនួន ៩៥នាក់ ក្នុងនោះដាក់ឲ្យធ្វើចត្តាឡីស័កនៅផ្ទះ ១៤ថ្ងៃចំនួន ៩៣នាក់, ដាក់ឲ្យស្នាក់នៅមណ្ឌលចត្តាឡីស័កកម្រិត២ ចំនួន២នាក់៕
