(ភ្នំពេញ) – យោងតាមសេចក្តីប្រកាសរបស់ក្រសួងការងារ និងបណ្តុះបណ្តាលវិជ្ជាជីវៈបានឲ្យដឹងថា ការត្រួតពិនិត្យសុខភាពកម្មកររោងចក្រដែលបានឈប់សម្រាកអំឡុងពេលបុណ្យចូលឆ្នាំ ហើយចូលបម្រើការងារវិញបានបិទបញ្ចប់ហើយកាលពីថ្ងៃទី២៤ ខែមេសា ឆ្នាំ២០២០ ដោយក្នុងនោះមានកម្មករ ៥០៤៥នាក់ត្រូវបានត្រួតពិនិត្យសុខភាព។
ក្នុងចំណោមកម្មករទាំងជាង៥ពាន់នាក់នោះ មានកម្មករ ៤៨២៣នាក់ ត្រូវដាក់ឲ្យធ្វើចត្តាឡីស័កនៅផ្ទះ១៤ថ្ងៃ, កម្មករ ៩៧នាក់ ត្រូវដាក់ឲ្យស្នាក់នៅមណ្ឌលចត្តាឡីស័កកម្រិត១, កម្មករ ១២៥នាក់ ត្រូវដាក់ឲ្យស្នាក់នៅមណ្ឌលចត្តាឡីស័កកម្រិត២ ។ ជាមួយគ្នានេះ មានកម្មករ ១២៥នាក់ត្រូវបានយកសំណាកទៅពិសោធ ប៉ុន្តែលទ្ធផលអវិជ្ជមានជំងឺកូវីដ១៩៕