គណៈកម្មការអឺរ៉ុប នៅថ្ងៃទី១២ ខែកុម្ភៈ បានសម្រេចដកប្រព័ន្ធអនុគ្រោះពន្ធ EBA ពីកម្ពុជា ដោយគិតជាទឹកប្រាក់ជាង ១ពាន់លានដុល្លារ (១,៣ ពាន់លាន ឬ ១ពាន់លានអឺរ៉ូ)។
ក្នុងសេចក្តីប្រកាសព័ត៌មាន ដែលចេញនៅយប់មិញ (ថ្ងៃទី១២ ខែកុម្ភៈ) គណៈកម្មការអឺរ៉ុបថា ការសម្រេចដកប្រព័ន្ធអនុគ្រោះពន្ធនេះ គឺដោយសារតែបញ្ហារំលោភគោលការណ៍សិទ្ធិមនុស្សធ្ងន់ធ្ងរ ដែលផ្ទុយនឹងកតិការសញ្ញាអន្តរជាតិ ស្តីពីសិទ្ធិពលរដ្ឋ និងសិទ្ធិនយោបាយ។
លោក សុខ ឥសាន អ្នកនាំពាក្យគណបក្សប្រជាជនកម្ពុជាបានមានប្រសាសន៍ថា សហភាពអឺរ៉ុបបានសម្រេចដក EBA ពីកម្ពុជា តែក្នុងក្របខណ្ឌត្រឹម ២០ភាគរយទេ ហើយ២០ភាគរយនេះ សំដៅទៅលើមុខព្រួញវាយណភ័ណ្ឌសម្ភារៈផលិតផលកាត់ដេរ ស្បែកជើង និងផលិតសម្រាប់ធ្វើដំំណើរ។
លោកយល់ថា ក្នុងកម្រិត២០ភាគរយ មិនជាការធ្ងន់ធ្ងរសម្រាប់រាជរដ្ឋាភិបាលកម្ពុជាក្នុងការដោះស្រាយបញ្ហាប្រឈមដែលកើតឡើង ដោយសារការព្យួរមួយផ្នែកតូចនេះទេ៕
