សម្តេចនាយករដ្ឋមន្រ្តី ហ៊ុន សែន បានប្រកាសនៅថ្ងៃនេះថា កម្ពុជានឹងមិនស្នើសុំ EBA ២០ភាគរយ ដែលសហភាពអឺរ៉ុបបានដកពីកម្ពុជាសម្រាប់ការនាំចេញទៅកាន់សហភាពអឺរ៉ុបនោះទេ។
សម្តេចតេជោបានបញ្ជាក់ថា កម្ពុជាបានត្រៀមស្មារតីរួចហើយចំពោះការគ្មាន EBA នេះ ហើយថា កម្ពុជាមិនអាចយកច្បាប់ និងអធិបតេយ្យភាពរបស់ខ្លួនមកប្តូរយក EBA ២០ភាគរយនោះទេ។
សម្តេចតេជោបញ្ជាក់ទៀតថា កម្ពុជានឹងមិនធ្វើការតវ៉ាចំពោះការសម្រេចរបស់សហភាពអឺរ៉ុប ដែលដក EBA ២០ភាគរយពីកម្ពុជានោះឡើយ។
ជាមួយគ្នានេះ សម្តេចតេជោក៏បានប្រកាសអំពីវិធានការនានាពាក់ព័ន្ធនឹងការដក EBA របស់សហគមន៍អឺរ៉ុប ដោយរាជរដ្ឋាភិបាលនឹងលើកលែងពន្ធរយៈពេល៦ខែ ទៅ១ឆ្នាំសម្រាប់រោងចក្រសហគ្រាសដែលជួបបញ្ហា ហើយរាជរដ្ឋាភិបាលក៏នឹងផ្តល់ប្រាក់ខែ៤០ភាគរយដល់កម្មករ-កម្មការិនីដែលបាត់បង់ការងារផងដែរ៕
