តាកែវ៖ សំណុំរឿងដែលមហាជនទន្ទឹងរង់ចាំយ៉ាងអន្ទះសារមួយរយៈកន្លងមកពាក់ពន្ធ័ករណីស្ទាក់វាយយកលុយជាច្រើនលើក ច្រើនសារនៅតាមដងផ្លូវ ពេលនេះលោក ឡេង ប៊ុនឡុង អធិការស្រុកព្រៃកប្បាសបានបំបែកនិងវែកមុខជនសង្ស័យដើម្បីយកទៅផ្ដន្ទាទោសតាមផ្លូវច្បាប់បានហើយ។
កាលពីថ្ងៃទី២៦ ខែមិថុនា ឆ្នាំ២០២០ កន្លងទៅនេះ កម្លាំងអធិការនគរបាលស្រុកព្រកប្បាសបានឃាត់ខ្លូន ជនសង្ស័យម្នាក់ឈ្មោះ យឹម វិន ភេទប្រុសអាយុ២៩ឆ្នាំរស់នៅភូមិក្ដាញ់ ឃុំក្ដាញ់ ស្រុកព្រៃកប្បាស ខេត្តតាកែវ ពាក់ពន្ធ័ករណីហឹងស្សានៅក្នុងគ្រួសារ។
ក្រោយកម្លាំងធ្វើការឃាត់ខ្លួនជនសង្ស័យខាងលើ សមត្ថកិច្ចក៏ជីកសួរនាំតាមជំនាញ ក៏ស្រាប់តែកម្លាំងអាចកំណត់មុខសញ្ញាវាយមនុស្សយកលុយតាមដងផ្លូវជាច្រើនករណីកន្លងមក ហើយជនសង្ស័យក៏បានសារភាពថា ខ្លួនពិតជាបានធ្វើសកម្មភាពវាយមនុស្សយកលុយពិតមែនដោយគិតជាលុយមិនក្រោមម៉ឺនដុល្លារនោះទេ។
លោកអធិការបញ្ជាក់ថា ជនសង្ស័យខាងលើធ្វើសកម្មភាពវាយមនុស្សយកលុយនៅស្រុកព្រៃកប្បាសរាប់ភ្លេចមិនដែលមានសមត្ថកិច្ចចាប់បានម្ដងណាឡើយ ព្រោះជនសង្ស័យខាងលើនេះមានជំនាញខាងគេច ព្រោះរូបគេស្គាល់ភូមិសាស្រ្តយ៉ាងច្បាស់លាស់ ទើបតែពេលនេះចាប់ជាប់ដោយសារតែរូបគេបានប្រើអំពើហឹង្សាក្នុងគ្រួរសារហើយដោយកំលាំងសមត្ថកិច្ចខ្លះធ្លាប់តាមប្រមាញ់ជនសង្ស័យនៅចាំភិនភាគ ទើបសមត្ថកិច្ចប្រើជំនាញធ្លាយចេញករណីលួយមានស្ថានទម្ងន់តែម្ដង។
លោកអធិការស្រុកបានបញ្ជាក់បន្ថែមថា ជនសង្ស័យខាងលើទើបតែចេញពីពន្ធនាគា ហើយរាល់សកម្មភាពដែលជនសង្ស័យប្រព្រឹត្តកន្លងមកគឺរូបគេធ្វើសកម្មភាពតែម្នាក់ឯងគត់រួមនិងម៉ូតូមួយគ្រឿង ៕